KAZAKBOL.COM
Amnesty International халықаралық құқық қорғау ұйымы «робот-өлтірушілерге» тыйым салуға шақырды.
«Робот-өлтірушілер – бұл енді ғылыми фантастика емес. Жасанды интеллектің пайда болуы мен дамуы халықаралық құқықтардың талаптарына сәйкес келмейді», – деп мәлімдейді құқық қорғаушылар.
Amnesty International бұл мәлімдемесін БҰҰ аясында өтіп жатқан ұшатын автономды қарулы жүйелер жайында келіссөздің басында жариялады. Ол 27 тамызда Женевада басталып кетті. Келіссөзге 75 елдің өкілдері қатысып жатыр.
Алдағы жылдары жою нысанасын таңдап алып, өзін өзі басқаратын роботтар шығарылады ма, жоқ па, осы келіссөздің қорытындысына байланысты болмақ. Құқық қорғаушылар «робот-өлтірушілер» адамдарды заңсыз өлтіруге әкеледі деп қауіптенеді.
В Amnesty International аталған аппаратты қолдануда заңдық талаптар мен міндеттер керек деп есептейді.
KAZAKBOL.COM