Қарағандыда парамен ұсталған лауазымды шенді түрмеге отырудан бас тартты

Вадим Магамадов. Скриншот: КТК

Қарағанды соты бүгін облыстық Төтенше жағдайлар департаменті бастығының бұрынғы орынбасарына 200 мың теңге ауызбастырық үшін 4 жылын абақтыда өткізеді деген үкім кесті деп хабарлайды КТК арнасы.

Сондай-ақ Вадим Магамадовқа енді мемелекеттік мекеме түгілі мемлекетке қандай да бір қатысы бар компания атаулыда өмір бойы жұмыс істеуге тыйым салынған. Полковник шені мен 2-ші дәрежелі Айбын ордені кері қайтарылып, қылмыстық жолмен табылған дүниесі де тәркіленеді.

Естеріңізге салсақ, Вадим Магамадов 2017 жылдың 4-ші сәуірінде жұмыс кабинетінде 200 мың теңге алып жатқан жерінен ұсталған еді.

Ол бұл соманы кәсіпкерден өрт қауіпсіздік шараларына көз жұма қарау үшін талап етіпті. Қылмысын толық мойындап, жазаны айыппұлға ауыстыруды сұраған оның өтініші орындалмады.

«Қылмысты толығымен мойындадық. Прокуратурамен келісімге келісіп, жаза ретінде 12 миллион теңге айыппұл төлейік деген арыз да түсіргенбіз. Оны 4 жылға қамап салық төлеушілер есебінен асырағаннан гөрі, мемлекетке шығын өтелгені дұрыс емес пе? Үкіммен келіспейміз», — дейді адвокат Виктор Журавлев.

KAZAKBOL.COM

Борьба Со Взяточничеством

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.