Қарағандыда қоғамдық көлік қызметкерлері арасында қақтығыс болды. Қалалық №53 және №30 автобус қызметкерлері жолаушыларға таласып, бір-бірімен ел алдында төбелесіп қалды деп хабарлайды newtimes.kz басылымына сілтеме жасаған NUR.KZ.
Бұл жайт туралы оқиға куәгерлері хабарлаған.
Олардың айтуынша, автобус жүргізушілері мен жолсеріктер бір-бірімен бақталастық себебінен төбелескен. Автобустар бір-бірінің жолын жауып, «Мечта» аялдамасынан шығуға кедергі болған.
Куәгерлердің олардың дөрекілігін көріп жағасын ұстағанын айтады. Осылайша бір-біріне бейәдеп сөздерді жаудырған қақтығыстың соңы төбелеске ұласқан.
«Сенімен ісім кешке болсын, көзілдірігіңнен басқа ешнәрсең қалмайды», — деді бір автобус жүргізушісі», — деп айтып берді куәгер.
Қарағанды әкімдігі бұл іспен жолаушылар көлігі секторының мамандары айналысып жатқанын айтты.
KAZAKBOL.COM