Қарағандылық жігіт автобуста ұнатып қалған аруды жан ұшырып іздеп жүр

Сергей есімді жігіт редакциядан көре сала ұнатып қалған бейтаныс аруды табуға көмектесуін сұрапты. Бір қызығы, ер азамат арудың жасы түгілі есімін де білмейді.

«Оның есімі кім және жасының нешеде екенін білмеймін, бірақ онымен жолығудан үміттімін.

Оқиға былай болған, біз көп уақыттан бері бір қоғамдық көлікте жүрдік. Ол автобустың терезе тұсында тұратын, орындыққа отырмайтын. Мен оның қасына жақындап тұрғаныммен сөйлесуге сол күйі мүмкіндік болмады», — деп әңгімесін бастады жігіт.

«Ол ару Қазтұтынуодағы Қарағанды экономикалық университетінде оқиды. Мен оны оқу орнына да іздеп барып, деканатына соқтым. Тек ондағылар мені қуып шықты. Өйткені мен бойжеткеннің есімін де білмеймін ғой.

Бірнеше күн бойы университ ғимаратының сыртында оны тосып та тұрдым. Бірақ оны көрмедім. Мүмкін ол сырқаттанып қалды ма, әлде өмірінде келеңсіз бір жағдай орын алды ма екен? Егер расымен сондай болса, мен оған көмектескім келеді.

Сүйкімді ару, егер сен осы хатты оқып отырсаң, бұл мен – гүлді шарфтағы жігіт (арудың өзі түсінеді). Мен ешқандай да қаныпезер емеспін, менен қорқудың қажеті жоқ. Мен бар болғаны сені сағындым, өзіңді тағы да көргім келеді. Дос болайықшы!», — деген Сергей бұл мәлімдемесіне арудың бей-жай қалмайтынынан үміттеніп, өзінің байланыс нөмірін редакцияға қалдырғанын жеткізді.