KAZAKBOL.COM
Оқ-дәрі қоймасындағы жарылыстардың салдарын жою жұмыстары жалғасып жатқан Арыс қаласының әскери бөлімде жиынтық жасақ пен гарнизон басшылығы әкімдік, прокуратура, ТЖ, білім, денсаулық сақтау бөлімдерінің өкілдері мен қала тұрғындары үшін Ашық есік күнін ұйымдастырды.
Іс-шара төтенше жағдай зардаптарын жою жөніндегі міндеттерді орындау тәртібімен танысу, әскери бөлімнің техникалық аумағында жарылыс жұмыстарын жүргізу қажеттілігі туралы түсіндіру, жарылыс қаупі бар заттарды техникалық аумақта жоюды көрнекі түрде көрсету, сондай-ақ халықты жүргізілетін жұмыстардың қауіпі мен зиянның жоқтығын нақты үшін өткізілді.
Ашық есік күнін өткізу барысында техникалық аумақта аса қауіпті және алыс қашықтыққа тасымалдауға жарамсыз деп танылған жарылыс қаупі бар заттардың іс жүзінде жойылуы айқын көрсетілді.
Сонымен қатар, қонақтарға инженерлік-саперлік бөлімшелердің әскери қызметшілері өздерінің өмірі мен денсаулығын қала тұрғындарының қауіпсіздігі үшін тәуекел етіп, қауіпті аймақта жүргізіп жатқан жұмыстардың маңыздылығы түсіндірілді.
Практикалық көрсетілім кезінде өкілдер орындалып жатқан іс-шаралардың тұрғындар үшін қауіпсіздігіне көз жеткізді.
Сондай-ақ, роботтар, сапердің қорғаныс костюмдері, іздеу және минадан тазарту құралдары сияқты заманауи инженерлік қару-жарақ құралдарының көрнекі көрсетілімі өткізілді.
Похожие статьи
Ашық есік күні аяқталғаннан кейін қалалық әкімшілікте әскери бөлім, халық және қоғамдық ұйымдар өкілдерінің қатысуымен баспасөз конференциясы ұйымдастырылды. Онда әрбір қатысушы ішінде толғандыратын сұрақтарға жауап ала алды.
Қазақстан Республикасы
Қорғаныс Министрлігі
Шымкент гарнизоны баспасөз қызметі
байланыс телефондары: 87781475425
87472093922 (what’s app)
shymkent_press@mail.ru
