Ашғабад саябақтарында адамгершілік полициясы пайда болды

Ашғабад полициясы саябақтарға барып, демалатын тұрғындарды бақылауды күшейтті. Әсіресе, серуендеп жүрген жастарды тоқтатып, оларға ақыл-кеңес айту көбейген.

Аймақтағы Азатлык тілшісінің хабарлауынша, полиция әсіресе саябақтарда серуендеп жүрген қыздар мен жігіттерге назарын көп бұрып жатыр.

Полиция жастарды тоқтатып, сұрақтар қойып, туу туралы куәліктерін сұрап, олардың бір-біріне кім болып келетінін де анықтап жүр екен.

Сонымен бірге полиция ашық және қысқа белдемше киген қыз-келіншектерді тоқтатып, оларға ескерту жасайтын болған. Осындай бақылаулар әсіресе айтулы күндер қарсаңында күшейеді.

Қазір Түркіменстан тәуелсіздіктің 30 жылдық мерейтойына дайындалып жатыр.

Источник