Сенат спикері Қасым-Жомарт Тоқаев қазақстандықтарды той өткізуде «өзбектерден, түріктерден, түркімендерден» үлгі алуға шақырды. Ол бұл жайында Twitter парақшасына жазды.
«Қазақ БАҚ-та той, салтанатты кештер өткізуде жаңаша ыңғайлар керек деген пікір-таласты қолдаймын. Шектен шыққан даңғазалық пен ысырапшылдықтан бас тартып, жаңаша формат керек», — деп жазады Қасым-Жомарт Тоқаев.
Оның пікірінше, өзбек, түрік, түркімендер секілді ұлттық дәстүрге мән беру керек.
Қасым-Жомарт Тоқаев Twitter арқылы жеке көзқарасын жүйелі жариялап отырады. Ол Twitter парақшасын 2011 жылдың шілде айында ашқан.
KAZAKBOL.COM