Новости Казахстана, Новости России и мира,Обновляемая лента новостей

Ауғанстанда тәліптер бірнеше адамды жария түрде өлім жазасына кесті


Ауғанстанның солтүстік батысындағы Герат қаласында тәліптер алаңға төрт адамның денесін іліп қойды. Бұл туралы жергілікті БАҚ және куәгерлер хабарлады.

Жергілікті екі тілшінің сөзіне сүйенген британдық BBC агенттігі адам ұрлауға қатысы бар деп айыпталған төрт адамның денесі қаланың түрлі бөлігіне ілініп қойғанын жазды. Қаладағы негізгі алаң маңында орналасқан дәріхананың иесі Ахмад Седдики Associated Press агенттігіне әуелі төрт мәйіттің алаңға әкелінгенін, кейін үшеуі қаладағы өзге алаңдарға әкетілгенін айтты.

Провинция губернаторының орынбасары Ахмад Омардың айтуынша, бұл адамдар «Талибан» содырларымен қақтығыс кезінде адам ұрлағаннан кейін атып өлтірілген.

«Өзгелерге сабақ болсын деп қаладағы алаңдарға денелері ілінді» деді Омар DPA агенттігіне.

Әлеуметтік желіде жарияланған видеода Герат алаңында шынжырға оралған қансыраған ер адамның денесі көтергіш кранда асылып тұрғаны байқалады. Кейбір адамдар оларды ұялы телефондарына түсіріп жатты.

Тәліптер тағайындаған полиция басшысы Зиаулхақ Жалалидің сөзіне қарағанда, тәліптер атыс кезінде адам ұрлауға тырысқан төрт адамнан әкелі-балалы екі адамды арашалап қалған.

«Талибан» қозғалысының негізін қалаушылардың бірі Нұриддин Тураби молда осы аптада Associated Press агенттігіне тәліптер дарға асу мен қолды шабу сияқты жазалау түрлерін қайтадан қолға алатынын, бірақ оны жария түрде жасамайтынын айтқан.

Ауғанстанды 1996 және 2001 жылдары басқарып тұрған шақта «Талибан» дүре соғу, тас атып өлтіру, қол-аяқты шабу сияқты қатаң жаза түрлерін қолданған.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM