Ауруханада бірнеше күн жатқан спортшыны дәрігерлер аман алып қала алмады. Герберт Нкабити өткен жұмада Оңтүстік Африка Республикасының боксшысы Виллис Балойимен жұдырықтасқан болатын.

Жекпе-жектің алтыншы раундында ауыр соққы алған боксшы нокаутқа түсіп, есін жия алмады.

Артынша ауруханаға жеткізілгенмен, спортшы өмірін сақтап қалу мүмкін болмаған. Ботсваналық боксшы 36 жасында көз жұмды.

Кәсіпқой бокста 14 жекпе-жек өткізген ол 10 кездесуінде жеңіске жетіп, үшеуінде ғана ұтылған.