Алматының «Қайрат» футбол клубы Ресей футболшыларына қызығушылық танытып отыр.

Бұл туралы бұқаралық ақпарат құралдарына «Қайрат» клубының президенті Қайрат Боранбаев мәлім етті деп хабарлайды 24 арна.

Боранбаев ресейліктер Андрей Аршавин мен Дмитрий Комбаровты командаға алу туралы келіссөздердің жүріп жатқанын жеткізді.

«Аршавин мен Комбаров – ұлттық құрама деңгейіндегі футболшылар. Футболшыларды алуда өзіміздің жеке талаптарымыз бар. Біз олардың жоғары деңгейдегі ойыншылар екеніне сенімдіміз. Қазір футболшылармен келіссөз мәселелері жүргізіліп жатыр», — дейді Боранбаев.

Одан бөлек, Боранбаев мырза тағы бір ресейлік футболшы Марат Измайловқа да ұсыныс жасалғанын мәлімдеді. Бірақ футболшы дәл қазір португалиялық клубпен келісімшартты үзе алмайтынын жеткізген.