Новости Казахстана, Новости России и мира,Обновляемая лента новостей

Байден: Ауғанстаннан «хаоссыз» шығу мүмкін емес еді


АҚШ президенті Джо Байден тәліптер Кабулды басып алғаннан кейін берген алғашқы сұқбатында Құрама Штаттардың жиырма жылға созылған соғыстан соң Ауғанстаннан «хаоссыз» кетуі мүмкін болмағанын мәлімдеді.

18 тамызда Байден ABC News телеарнасына сұқбат беріп, әскерді елден әкетуді «хаоссыз» қалай ұйымдастыру керектігін білмейтінін айтты.

Батыс елдері мыңдаған дипломатын, азаматтарын және елде қалуы қауіпті ауған азаматтарын бірнеше күннен бері Ауғанстаннан эвакуациялап жатыр. Тәліптер өткен демалыс күндері Кабулды басып алып, қозғалыс күштері елге бақылау орнатты.

Байденнің айтуынша, «Талибан» америкалықтар мен ауған азаматтарын — АҚШ-тың Ауғанстандағы одақтастарын — шығаруға қолғабыс етіп жатыр, бірақ халықаралық миссияға көмектескен ауған азаматтарын эвакуациялауда «бірқатар қиындық бар».

Бұның алдында АҚШ қорғаныс министрі Ллойд Остин Кабул әуежайында шамамен 4500 америкалық жауынгер бар екенін, тәліптермен арада «қандай да бір қастық әрекеті тіркелмегенін», олардың командирлерімен байланыс ашық екенін мәлімдеген.

Пентагон басшысының айтуынша, америкалық жауынгерлер азаматтардың Кабул әуежайына жетуге көмектесе алмайды, өйткені күштің бәрі әуежайдағы қауіпсіздікті қамтамасыз етуге жұмылдырылған.

Жоғары лауазымды америкалық дипломаттың айтуынша, Құрама Штаттар «Талибаннан» елден кеткісі келетін ауған азаматтарына рұқсат беруін күтіде. Бұның алдында тәліптер әуежайға баратын жолды бөгеп тұрғаны хабарланған.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM