Бішкекте Совет-Герман соғысындағы Жеңістің 77 жылдығы реквием ретінде атап өтілді

Қырғызстан президенті Садыр Жапаров 9 мамырда Совет -Герман соғысындағы Жеңістің 77 жылдығына арналған митинг-реквиемге қатысты.

Мемлекет басшысы Мәңгілік алауға гүл шоқтарын қойып, соғыста қаза тапқандарды еске алды.

«Бұл күні біз Ұлы Отан соғысында ерлік көрсеткен және тылда еңбек еткен ата-бабаларымызды еске аламыз. Біз ардагерлер алдында басымызды иеміз. Олардың ерлігін ешқашан ұмытпаймыз», – деді Садыр Жапаров.

Президент Совет-Герман соғысына 360 мыңнан астам қырғызстандық қатысқанын, олардың 150 мыңнан астамы жоғары мемлекеттік марапат алғанын, 77-сі Совет Одағының батыры атағын алғанын атап өтті.

Соғысқа аттанған 100 мыңға жуық қырғыз азаматынан ешқандай хабар болмаған, Із-түссіз жоғалғандар тізімінде.

1 сәуірдегі мәлімет бойынша Қырғызстанда 68 соғыс ардагері өмір сүріп жатыр.

Источник