KAZAKBOL.COM
Бішкекте 14 сәуірде Тәжікстанның елшілігі алдында он шақты белсенді наразылық акциясына шықты. Олар тәжік президенті Эмомали Рахмонды айыптап, шекарада жанжал кезінде құрбан болған қырғыз балаларының суреттерін ұстап тұрды.
Осыған дейін қырғыз президенті Садыр Жапаров қырғыз-тәжік шекарасындағы соңғы жанжалға қатысты пікір білдірген.
Похожие статьи
“Журналистерден, өздерін блогермін деп есептейтін азаматтардан бірнәрсе сұраймын. Көрші мемлекеттермен болған келіспеушілік оқиғаларды бұрмалап және басшыларын мазақтап, қандай да бір видео, фото материалдар таратуды тоқтатыңдар. Бұл этикаға сәйкес келмейді. Бұл әрекетпен екі ел арасындағы жанжалды одан сайын ушықтыруға түрткі болып жатсыңдар. Шекара мәселесі 30 жылдан бері шешілмей келе жатыр. Келіссөздер жүріп жатыр. Уақыт керек. Құдай бұйырса, менің президенттік мерзімім біткенше, бұл мәселені шешіп кетемін”, — деп жазған Садыр Жапаров.
Қырғыз-тәжік шекарасында 12 сәуірде тағы оқ атылған. Оқиға кезінде Қырғызстанның алты адамы жарақат алған. Ал Азаттықтың тәжік қызметі 27 жастағы тәжік шекарашысы қайтыс болғанын хабарлады.
KAZAKBOL.COM
