KAZAKBOL.COM
Шымкент қаласы Полиция департаменті Жергілікті полиция қызметі басқармасының қызметкерлері 2022 жылдың 20-қазан мен 19-қараша аралығында «Браконьер» жедел-профилактикалық іс-шарасын өткізуде.
Іс-шараның мақсаты – қала аумағындағы табиғатты қорғау заңнамасын бұзушылықтарды, биологиялық ресурстар мен объектілері мен өнімдерінің заңсыз айналымын анықтауға және жолын кесуге, экологиялық қылмыстарды ашуға бағытталған.
Похожие статьи
Атап айтсақ, Абай ауданы полиция басқармасының қызметкерлері іс-шара жүргізу барысында 124 түп ағашын заңсыз кескен жергілікті тұрғынды ұстады. Аталған жайт негізінде ҚР ҚК-нің 340-бабы (Ағаштар мен бұталарды заңсыз кесу) бойынша сотқа дейінгі тергеу амалдары жүргізілуде.
Тәртіп сақшылары аң, балық аулау және ағаштар мен бұталарды кесу талаптарын бұзу, қоршаған ортаға елеулі зиян келтіру әрекеттері Қазақстан Республикасының заңнамасына сәйкес әкімшілік және қылмыстық жауапкершілікке тартуға әкеліп соқтыратын ескертеді.
Шымкент қаласы Полиция департаментінің Баспасөз қызметі
KAZAKBOL.COM