«Батыс» өңірлік қолбасшылығының әскери қызметшілері Тәуелсіздік күніне арналған демалыс күндері 16 шақырымдық марш жүгіріп өтті.
Ақтау, Атырау және Ақтөбе гарнизондарындағы әскери қызметшілер Тәуелсіздік күнің ауқымды мейрам бағдарламасымен қарсы алды. Осы күндері әскери бөлімдерде концерттік бағдарламасы бар салтанатты жиындар өткізіліп, үздік әскери қызметшілер марапатталды.
«Батыс» өңірлік қолбасшылығының басшылығымен жыл бойы жауынгерлік даярлықтан үздік нәтижелер көрсетіп жүрген әскери қызметшілер көтермеленді, солардың бірі Қорғаныс Министрінің «Жауынгерлік ерлігі үшін» медалімен марапатталған аға лейтенант Берекет Іскендір. Берекет, Маңғыстау облысы, Бейнеу ауылында орналасқан 99116 әскери бөлімінде рота командирі лауазымын атқарып келеді. Осы күні, ол өңірлік қолбасшылықтың ең үздік жас офицерлер қатарының көшбасшысы. Сонымен қоса, біраз әскери қызметшілер «Мінсіз қызметі үшін», «Қарулы Күштердің ардагері» медальдерінің иесі атанды. Бірқатар жауынгерлер кезекті әскери атақтары мен грамотаға ие болса, үздік әскери қызметшілердің ата-аналары, «Үлгілі жас әскери отбасы», «Үлгілі көпбалалы әскери отбасы» конкурсының жеңімпаздары «Батыс» өңірлік қолбасшылығы әскерлерінің қолбасшысы генерал-майор Қаныш Әбубәкіровтың атынан бағалы сыйлық пен алғыс хаттармен марапатталды.
Спорт десе, ішкен асын жерге қоятын ел қорғандары, салтанатты жиынмен шектелмей, спорттық шараларды да сапалы ұйымдастырып өткізді. Осы күндері, барлық әскери бөлімдерде Тәуелсіздік күніне орай 16 шақырымдық марш өткізіліп, спорттық жарыстар да өтті.
Еліміздің Батысындағы айбынды әскерилеріміз Тәуелсіздік күнің ең бағалы мейрам күні деп, құрметпен күтеді. Олардың пайымдауынша, әрбір әскери қызметші өзіңің әскери борышып адал орындаса, еліміздің және әскеріміздің әлеуеті жақсара түседі, соның арқасында Тәуелсіздігіміз нығаяды, себебі Қарулы Күштер – Тәуелсіздіктің тірегі.
фото пресс-службы УКВ регионального командования «Запад»фото пресс-службы УКВ регионального командования «Запад»фото пресс-службы УКВ регионального командования «Запад»фото пресс-службы УКВ регионального командования «Запад»фото пресс-службы УКВ регионального командования «Запад»
