KAZAKBOL.COM
Murad Buildings компаниясының негізін қалаушы Мурод Назаров алтын бөлшектері бар «Ocard» суы сауда маркасы Ташкент басшысы Жахонгир Артикхожаевтың қызына тиесілі екенін айтты.
Кәсіпкер Мурод Назаров жақында «Ocard» суы жарнамасының ролигінде Джеймс Бонд рөлін сомдады.
Журналистердің бірі кәсіпкерден: «Сіз «Ocard» суын жарнамалайсыз. Сауда маркасы сізге тиесілі ме?» — деп сұраған. «Жоқ, ол Жахонгир Артикхожаевтың қызына тиесілі. Көбі мені жарнамаға түсуге шақырады. Бірақ біз актер, не жарнама агенттігі емеспіз. «Ocard» суын жарнамалауға бірден келістім», — деп жауап берді Назаров.
Похожие статьи
Кәсіпкердің айтуынша, Джеймс Бонд образын жарнамада сомдау идеясын Ташкент мэрі Артикхожаев ұсынған. Соның өтінішімен Назаров бұл жарнамаға тегін түскен.
«Екі күн түсірдік. Денем әбден көгерді. Каскадер шақырмадық, трюктердің бәрін өзім орындадым. Бір апта емделуге тура келді. Актер болу оңай емес», — деді Назаров.
Жергілікті ақпарат құралдарының хабарлауынша, «Ocard» суының бір бөтелкесі 515 мың сум (шамамен 50 доллар) тұрады.
KAZAKBOL.COM
