KAZAKBOL.COM
«АЭС салу бойынша түпкілікті шешім қабылданды ма?» деген сұраққа энергетика министрі Алмасадам Сәтқалиев «шешім әлі қабылданбады» деп жауап берді.
«Шешім әлі қабылданбады. Әзірге жобаға қатысатындар мен құрылыс векторы бойынша процедуралар жүріп жатыр. Біз әлеуеті жоғары технологияларды қарастырып жатырмыз» деді 21 маусымда Азаттық тілшісінің сұрағына жауап берген министр.
Кейінгі кезде үкімет елде АЭС салу жоспарын жиі айтып жүр. Президент Қасым-Жомарт Тоқаев халық пікірін ескермей «АЭС бойынша шешім қабылданбайды» деген. 2,5 жылдан соң Ресейде онлайн форумда сөйлеген Тоқаев «бізге АЭС керек» деді. Бірақ қазақстандықтардың пікірі туралы айтпады.
Өткен аптада энергетика министрлігі АЭС мәселесі референдумға шығарылмайды деп айтқан.
Похожие статьи
2022 жылы Тоқаев Қазақстан АЭС салатын жерді таңдады, бірнеше елдің технологиясын зерттеп жатқанын да хабарлаған. Кейін Қазақстанда АЭС салатын елдер консорциумы арасынан қауіпсіздікке жауапты компания таңдалатыны айтылды.
Консорциумға: қытайлық China National Nuclear Corporation, кореялық Korea Hydro & Nuclear Power, француздың Еlectricitе de France және ресейлік «Росатом» енген.
Билік “АЭС бойынша шешім қабылданбады” деп жиі қайталағанмен былтыр күзде “Самұрық-Қазына” АЭС жобасына кірісіп кеткенін хабарлаған. Осыған дейін елде АЭС-тің «маңызын түсіндіру жұмыстары» жүргізілетіні де айтылған. Сол үшін былтыр қазақстандық блогерлер Корея мен Францияға да барған.
Билік “энергия тапшылығын шешудің бірден бір жолы АЭС” десе, экобелсенділер, экологтар мен энергетика саласы бойынша бірқатар сарапшы АЭС-ті қауіпсіз санамайтынын және коммерциялық тұрғыда да тиімді емес екенін айтқан.
KAZAKBOL.COM