KAZAKBOL.COM
Өзбекстанның Ферғана облысы әкімдігі ғимаратының алдында аштық жариялаған танымал қанатпен жүруші Ахад Набиевті 29 қаңтарда милиция ұстап әкетті.
Халық арасында «Ахад дорбоз» атымен танымал Набиев осы наразылығы арқылы аймақтағы адам құқығы жағдайына назар аудартқысы келген.
«Мен облыс әкімдігі әрекетіне қарсы аштық жарияладым. Хокимиятқа және облыстық прокуратураға бірнеше мәрте өтініш жасағанмын, бірақ олар менің арызды елемеді. Мен облыс хокимі Шухрат Ганиевпен кездескім келеді. 2002 жылдан бері Ферғана облысы әкімдігіне арызданып келдім, бірақ әлі күнге дейін Ганиевпен кездеспедім», – деді Ахад Набиев.
Милиция оны сол күні босатты, бірақ Набиевке «рұқсат етілмеген наразылық акциясы» үшін түсініктеме жазуға тура келген.
Похожие статьи
«Ахад доробоздың» Озодлик радиосы тілшісіне хабарлауынша, мәселені шешу үшін ішкі істер департаментіне Ферғана қаласы әкімі Шухратжон Эркабоевтың өзі келіп, қала әкімдігіне кездесуге шақырған.
Набиев наразылық акциясын өткізуіне облыс әкімдігінің жергілікті халық мәселелерін шешуге құлықсыздығы түрткі болған. Ол облыс басшысы Ганиев аймақтағы адам құқығы мәселелеріне көз жұма қарайды, жергілікті адам құқығын қорғаушылармен және қоғам белсенділерімен кездесдеспейді деп есептейді.
Өткен аптада Ганиевтің селекторлық отырыста сөйлеген сөзінің аудиожазбасы интернетте тарады. Онда облыс басшысы Ақтөбеде автобус өртінен қаза болғандардың туыстарын «аймақты масқаралады» деп сөккен. Одан соң Ганиев шенеуніктерді «малғұн» деп балағаттап, қажылыққа жібермеймін деп қорқытты.
KAZAKBOL.COM
