Новости Казахстана, Новости России и мира,Обновляемая лента новостей

Ханзада Хәрридің отбасында Лилибет есімді қыз дүниеге келді


Ханзада Хәрри мен оның жұбайы Меган Маркл қызы дүниеге келгенін жариялады. Ата-анасының айтуынша, қызына Лилибет деп ат қойған, қазір үйде.

Лилибет «Лили» Диана Маунтбаттен-Виндзор өткен жұма күні, 4 маусымда Калифорнияның Санта-Барбара қаласындағы ауруханада дүниеге келген.

Сассекс ханзадасы мен оның жұбайы қызына әжесі Елизавета II ханшайымның кезінде ата-анасы Лилибет деп еркелетіп айтатын есімін бергенді жөн көрген. Сәбидің екінші есімі Диана, ханзаданың анасының құрметіне қойған.

«Біз әлемнің түкпір-түкіпірінен келіп жатқан мейірімге толы құттықтауларға алғысымыз шексіз. Бізге қолдау көрсеткендеріңіз үшін рақмет!», – деп мәлімдеме жасаған Хәрри мен Меган.

Лили – ханшайымның он бірінші шөбересі және сегізінші тақ мұрагері.

Ұлыбритания премьер-министрі Борис Джонсон ата-ананы жаңа туған сәбиімен құттықтады:

2020 жылдың 8 қаңтарында Хәрри мен Меган Instagram парақшасы арқылы король отбасына сай міндеттерін орындаудан бас тартып, тек отбасына ғана көңіл бөлгісі келетінін жариялаған.

Елизавета ханшайым немересі мен әйелінің тілегін орындайтынын айтқан. Осыдан кейін Сассекстердің король отбасынан шығатын процесстер басталып кетті.

Король отбасы (Елизавета II ханшайым, Чарльз ханзада, Уильям мен Хәрри ханзада) қатысқан бірнеше отырыстан кейін Хәрри мен Меган аса мәртебелі ханшайымның атынан басқаратын қор мен ұйымдарды түгел тапсыратын болды.

Король отбасынан толық шығу процесі былтыр 30 наурызда аяқталды. Осыдан кейін Хәрри мен Меган Instagram арқылы бұдан былай король отбасының мүшесі ретінде қолданып келген сайттарды, ұйымдарды, пайдаланбайтынын жариялады.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM