KAZAKBOL.COM
KAZAKBOL.COM
Көлік тізгіндеп келе жатқан жүргізушіні тоқтатқан полицей құжат сұраймын деп, бір құшақ гүлге ие болды. Құжаттың орнына осындай сый жасаған көлік жүргізушісінің бұл әрекеті жұртты күлкіге қарық қылды, деп хабарлайды «NewTimes.kz» ақпараттық агенттігі.
Похожие статьи
Желіде полицейлерге қатысты тағы бір шулы видео пайда болды. Онда жылдамдықты асырғаны үшін жүргізушіні тоқтатқан полицей өзін таныстырып, видеоға түсіруге болмайтынын ескертеді. Көлік ішіндегі жолаушы түсірілім жасауға құқығы бар екенін алға тартқан соң полицей автомобиль тізгіндеген жігіттен құжаттарын сұрайды. Дәл осы сәтте көлік жүргізушісі бір құшақ раушан гүлін шенді қызметкердің қолына ұстатып жібереді. Оның әрекетіне таң болған полицей «Мені мазақ етіп тұрсың ба?» деп ашуға булықты. Бұл көрініс еліміздің қай өңірінде орын алғаны және соңы немен аяқталғаны белгісіз. Видеоны көрген қазақстандықтар форма киген азаматтың ешқандай да полицей еместігін, жай қалжың ретінде түсірілген видео екенін алға тартып отыр. Себебі өзін полицей деп таныстырған азаматтың қызметтік төсбелгісі мен видеожетоны жоқ. Алайда кейбір желі қолданушылары көлік жүргізушісінің әрекетіне риза болып, мұны флешмоб секілді көлік тізгіндеген өзге де азаматтар жалғастырса деген ниетін білдірген.
Видео желіден алынды.
Ескерту! Видеода бейәдеп сөздер қолданылады.
