KAZAKBOL.COM
Райан Росс. Фото: dnevniki.ykt
Үш жасында тауық асырап, кәсібін жұмыртқа сатудан бастаған ол өзінің алғашқы миллионын сегіз жасында тапқан.
Алғашында оның иелігінде 60 тауық болды. Райан 12 жұмыртқаны үш долларға сатып, орташа есеппен күніне 15-20 доллар қаржы тапқан. Уақыт өте келе, ол жұмыртқа сатуға қарағанда көп табыс әкелетін кәсіппен айналысуды жөн көреді.
Кішкентай кәсіпкердің келесі бизнес идеясы көршілердің көгалын 25 долларға ретке келтіріп, тазалап беруге негізделді . Әрине, көгал шапқышты кішкентай бала басқара алмайды. Өз ойын жүзеге асыру мақсатында Райан 20 долларға қызметкер жалдап, 5 долларына табыс көрген .
Похожие статьи
Жас кәсіпкердің кәсібі күннен күнге көркейді. Жергілікті банк қызметкерлері оның жұмысына қолдау көрсету мақсатында оған банктен арнайы шот ашады. Төрт жасар Райан Росстың шотында 1500 доллар сақталды.
Көпшілік оның үш жасында кәсіпті бастағанына сенбейді. Росстың кәсібі ата-анасының көмегімен ғана табысқа кеңелді деп санайтындар аз емес. Алайда, ата-анасының айтуы бойынша, олар баласына тек қана рухани көмек көрсеткен. Ал Райан уақытының бір бөлігін балабақшада өткізсе, екінші бөлігін өз кәсібіне арнаған.
Бүгінгі күні 11 жастағы Райан барлық ақшасын жылжымайтын мүлікке инвестициялаған. Оның иелігінде Онтариода орналасқан алты мекеме бар. Бос уақытында Райан Росс баскетболл, хоккей ойнағанды ұнатады. Сондай-ақ, бала кәсіпкер өзін-өзі дамыту, жетілдіру кітаптарын сүйіп оқиды. Бір қызығы, ол ата-анасы рұқсат бермегендіктен ұялы телефон пайдаланбайды.
KAZAKBOL.COM
