KAZAKBOL.COM
Ресейдің Калининград облысында балық комбинатында істеген өзбек мигранттары айлықтың аздығына даттанып, жұмыс берушілер төлқұжатын тартып алғанын айтып шағымданады.
«Черкесияда өте ауыр жағдайда жұмыс істейтінімзді айтқаннан кейін, бізге бір агенттіктен адамдар келіп, «Калининградта сағатына 125 рубль (1,7 доллар) төлейтін тағы бір жұмыс бар» деп айтты. Бізге жұмыс тауық фабрикасында екенін айтқан, бірақ барғанда «За Родину» зауытында балық тазалау керек екен. Біз бұл жағдайға көңіліміз толмайтынын айттық. Бірақ олар біздің төлқұжатымызды тартып алды, ұшақ билеті үшін әрқайсымыз 50 000 рубль төлеуіміз керек екенін айтты», — деді жұмысшылардың бірі.
Мигрант Одилжонның айтуынша, бұл жерде 500-ден астам адам жұмыс істейді. Олардың көбі — өзбекстандықтар. Кері қайтуға ақша жоқ болғандықтан, олар жұмыс берушінің барлық талабына көнуге мәжбүр болып отыр.
Похожие статьи
Өзбекстандық жұмысшылар «Григорян» рекрутинг компаниясынан төлқұжатын қайтаруды өтініп, компанияға болған қарызын үш-төрт айдың ішінде төлеуге уәде етіп жатыр.
2020 жылға дейін Өзбекстанда жеке агенттіктер мигранттарға шетелде жұмыс тауып берумен айналысып келген. Бірақ тіркеуден өткен 103 агенттіктің тең жартысының лицензиясы жойылған.
Осыдан кейін мигранттарды шетелге жіберу ісін сыртқы миграция агенттігі қолға алған.
KAZAKBOL.COM
