Новости Казахстана, Новости России и мира,Обновляемая лента новостей

Конгрессмендер Байденді Гуантанамо түрмесін жабуға шақырды


АҚШ конгресінің өкілдер палатасындағы ондаған демократ президент Джо Байденді Кубадағы Гуантанамо әскери түрмесін жабуға шақырды. Мұндай үндеу 5 тамызда – 11 қыркүйек күнгі терактіге 20 жыл толуын атап өтетін күн қарсаңында жасалды. 2001 жылғы ірі терактіден кейін аталған түрме ашылған еді.

Президентке хат жазған 75 демократ онда түрменің ашық тұрғаны мемлекеттің беделіне нұқсан келтіреді, АҚШ-тың адам құқығы мен заң үстемдігін қорғау қабілетіне зиянын тигізеді деп атап өткен.

«Біз сізден түрмені түпкілікті түрде жабу үшін қажетті қадам жасауыңызды, ол жақтағы адамдар санын қысқартып, қалған тұтқындармен адам сияқты қарым-қатынас жасауын қадағалауды, Гуантанамодағы әскери комиссия жұмысында ашықтықты қамтамасыз етуді сұраймыз» деді палата мүшелері.

Конгрессмендердің мәліметінше, түрме ашылғалы бері онда шамамен 800 тұтқын жазасын өтеген. Қазір 39 ер адам қалған. Көбі қартайған.

Хатта демократтар 2009 жылы вице-президент болып тұрған тұста Байденнің Гуантанамо түрмесін жабу туралы бастаманы қолдағанын еске салып, қаңтар айында президент қызметіне кіріскеннен кейін Байден позициясының өзгермегенін растады деп жазған.

Гуантанамода танымал тұтқындардың бірі – АҚШ-та 11 қыркүйек күнгі терактіні ұйымдастырды деп айыпталған Халид Шейх Мохаммед жазасын өтеп жатыр.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM