KAZAKBOL.COM
Мәскеудің оңтүстігіндегі хотелде шыққан өрттен сегіз адам қаза болып, үш адам жараланды. Бұл туралы Ресей төтенше жағдайлар жөніндегі министрлігінің баспасөз қызметі хабарлады.
«Алма-Ата көшесі, 7-үй, 2-корпус өртенді. Сегіз адамның жансыз денесі табылды, дәрігерлер үш адамға көмектесіп жатыр», – делінген хабарламада.
Хостелдегі өрттен қаза болғандардың бәрі — еңбек мигранты, деп хабарлады ТАСС агенттігі. Қай елдің азаматы екені анықталып жатыр.
16 қабат ғимараттың бірінші қабаты өртенген. От 150 шаршы метрге тараған.
Похожие статьи
Куәгерлердің айтуынша, хостел 2019 жылғы мамырда ашылған. Хостел терезелеріне тор орнатылған.
Алдын ала болжам бойынша, өрттің шығуына электр желісіндегі ақау себеп болуы мүмкін, ал терезелердегі тор, өрт туралы кеш хабарланғаны, тұрғындардың оны өзі өшіруге тырысуы көп адамның қазасына әкеп соқтырды. Сегіз адам құтқарылды, 200 адам қауіпсіз жерге көшірілді.
Куәгерлердің айтуынша, хостелдегі құтқару есігі жабық болған. Ресей тергеу комитеті қылмыстық іс қозғады.
KAZAKBOL.COM
