KAZAKBOL.COM
Өзбекстан президенті Шавкат Мирзияевтің Сұрқандария облысына сапары кезінде 57 жастағы аула сыпырушы әйелді Термез қаласының орталығында кортеж қағып кетті. Ол ауруханада жатыр.
Куәгерлердің айтуынша, жолдың бір шетінде жұмыс істеп жүрген әйелді кортеждегі автокөліктердің қатты жылдамдықпен соққан.
Дәрігерлер аула сыпырушының жағдайы ауыр, бірақ тұрақты деп бағалады. Науқас екі күннен бері комада жатыр.
Құқық қорғау органдарының қызметкерлері жол апатына қатысты тексеру жүріп жатқанын хабарлады. Оқиға 1 маусымда таңғы сағат 7:40-та болған.
Жол апаты туралы хабарлаған дереккөз жергілікті биліктің бұл оқиғаны журналистерден жасырып отырғанын айтты.
Похожие статьи
– Әкімдіктегі шенеуніктер бұл оқиғаны президент сапары аяқталғанша ешкімге айтпауды тапсырды, – деді дереккөз.
Құқық қорғау органдарының қызметкері аула сыпырушы Рано Поенованы соққан автокөлік жергілікті әкімдіктердің біріне қарайтынын растады.
Президент Шавкат Мирзияевтің Сұрқандария облысына сапары 1-2 маусымда өтті.
Термез қаласы мемлекет басшысын күтіп алуға бес ай бойы дайындалған.
KAZAKBOL.COM
