KAZAKBOL.COM
Куәгерлердің мәліметі бойынша, Новосибирск қаласындағы базарда жұмыс істейтін еңбек мигранттары олардан ақша бопсалаған Тамерлан есімді дөкейге қарсы шықты. Кейбір мәліметке қарағанда, Тамерлан – Өзбекстан тумасы.
Тамерлан басқарған қылмыстық топ екі жылдан бері ақша бопсалаумен, қарақшылықпен айналысқан. Жәбірленушілер бірнеше мәрте құқық қорғау органдарына жүгінген, бірақ одан ешқандай нәтиже шықпаған.
Базардағы жанжал 4 қазанда басталып, үш күннен соң жаппай төбелеске ұласқан. 7 қазанда Тамерлан базарға он қарулы серігін ертіп келген. Бұл адамдар бетін тұмшалап, автомат асынған.
Похожие статьи
Новосибирск қаласындағы қырғыз диаспорасының басшысы Жаркынбай Тойтуковтың айтуынша, базар жұмысшылары қылмыстық топқа таспен қарсы шыққан.
«Олар еңбек мигранттарын тағы да тонауға келген. Автомат асынған 12 адам болған. Жүзге жуық адам оларды ығыстырып шығарып, көліктерін өртеп жіберді. Үш-төрт адамға резіңке оқ тиді. Олар базарға қайта шықты. Қылмыстық топтың бірнеше мүшесі ұсталды. Басшысы бостандықта жүр», — деді Тойтуков.
Ресей басылымдарының хабарлауынша, жаппай төбелеске 200-ге жуық адам қатысқан, елу шақты адам ұсталған.
KAZAKBOL.COM