KAZAKBOL.COM
2017 жылы Нью-Йорк орталығында теракт жасаған өзбекстандық Сайфулло Саипов сегіз өлім жазасына кесіліп, 260 жылға бас бостандығынан айрылды. Бұл туралы АҚШ әділет министрлігі 17 мамырда хабарлады.
2017 жылғы 31 қазанда Нью-Йорк қаласының Манхэттен ауданында болған шабуылдан сегіз адам опат болып, 12 адам жараланған. Саипов сотта жасаған ісіне өкінбейтінін, адамды «мейлінше көбірек өлтіргісі» келгенін мәлімдеген.
2010 жылы АҚШ-қа көшкен 35 жастағы Сайфулло Саиповқа 28 түрлі айып тағылған. Қамауға алынғаннан кейін ол теракт жасауға «Ислам мемлекетінің» видеоролигі шабыттандырғанын айтқан.
Сот кісі өлтіру қылмысына қатысты айыптардың бәріне ең ауыр жазасы белгіледі.
Похожие статьи
Сайфулло Саипов 1988 жылғы 8 ақпанда Ташкентте туған. 2010 жылы 21 жасында Green Card ұтып алып, АҚШ-қа көшкен, бірнеше штатта тұрған. АҚШ-тағы таныстары оны ислам радикалы емес, қаржы қиыншылығын көрген кекшіл жас жігіт деп сипаттаған.
Саиповтың Ташкенттегі туыстарының айтуынша, ол аса діндар болмаған. АҚШ-қа қоныс аударғанға дейін Саипов Ташкент қаржы институтында оқыған, «Саехат» қонақ үйінде бухгалтер болып істеген.
Сайфулло Саипов Өзбекстанда қылмыстық жауапқа тартылмаған, құқық қорғау органдарының назарына ілікпеген.
KAZAKBOL.COM