KAZAKBOL.COM
Көрнекі сурет. Фото: inform69.ru
Ғаламторда көлік апатынан кейін өлім аузында жатқан жаяу жүргіншінің видеосы пайда болды деп хабарлайды NUR.KZ порталы.
Видео желісінен көлік апатының түнгі уақытта орын алғанын байқауға болады. Өлім аузында жатқан жүргіншінің үсті-басы қанға малынған. Ал оның айналасында бір ер кісі айналшықтап, не істерін білмей дал болып тұрады. Оның қасындағы куәгерлер өлім аузында жатқан жүргіншіні ауруханаға жеткізуін, бәрібір бұл жағдайдан кейін полиция қызметкерлерінен құтылмайтынын айтып кеңес береді.
Видеода балағат сөздер де айтылады. Бір кезде әлдекім «басын биік ұста, тұрғызшы» деп айтады. Видеоның соңғы көріністерінде жаяу жүргіншінің жүрегі қағып тұрғанын куәгерлердің бірі айтып, жедел жәрдем қызметіне тағы да хабарласу қажеттігін ескертеді.
Бірақ, медицина қызметкерлерінің тезірек жетіп келеріне күмәнданған олар ес-түзсіз жатқан жәбірленушіні өздері ауруханаға жеткізбек болады. Айта кетейік, видеодағы куәгерлердің өзара диалогынан оқиға Сарыағаш немесе Жетісай аумағында орын алғанын байқауға болады.
Ескерту! Видеода бейәдеп сөздер кездеседі!
Видео:Новости Казахстана
KAZAKBOL.COM