Петербург блогері тәжікстандықтардан кешірім сұрады

Петербург блогері, пранкер Кирилл Шучер Тәжікстан тұрғындары алдында кешірім сұрады. Ол ауруханадан шыққаннан кейін әзіл әрекеті үшін видео мәлімдеме жасады.

«Ауруханада жатқанымда көп нәрсе өзгерді. Құндылықтарымды өзгерттім. Көптің ашуын туғызған видео үшін кешірім сұраймын», — деді Кирилл Шучер.

Блогер жариялаған видеоны өшіріп тастағанын хабарлап, «адам өмірі соншалықты қысқа, оны ашуға, жеккөрушілікке жұмсау тым артық» деген.

Кирилл Шучер YouTube каналы арқылы әдепсіз ұсыныс жасап, соны орындаған адамға «Айфон» сыйға тартамын деп жариялаған. Бұл видеоны көрген тәжік қызы оның талаптарына келісіп, жария түрде блогердің бетін сүюге дайын екенін айтқан.

Бұл видео тәжік тұрғындарының ашу-ызасын туғызған. Тіптен Ресейде жүрген тәжік мигранттары тарапынан қоқан-лоққы болған.

Биыл ақпан айында Кирилл Шучер қоғамдық көлікте өзіне әлдекімдердің ұрып кеткенін мәлімдеген. Кейін шабуыл жасаған адам ұсталды.

Источник