KAZAKBOL.COM
Петропавлда «үш оқушыны жаралаған жасөспірім» екі айға қамалды. Бұл жөнінде Петропавл қаласының мамандырылған тергеу сотының баспасөз қызметіне сүйенген Informburo.kz хабарлады.
Бұл іс бойынша қалған мәлімет тергеу жүріп жатқанына байланысты жарияланбайды деп айтылған.
Дүйсенбі, 13 ақпанда Петропавлда №4 мектептің үш оқушысын 9-сынып оқушысы жаралағаны хабарланған еді. Прокуратураның мәліметіне қарағанда, кәмелетке толмаған оқушы психиатр есебінде тұрған. Қаланың білім басқармасы ол сабақ басталардан бұрын мектепке асүйдің балтасы мен пышақты сөмкесіне салып әкелгенін айтқан.
Ішкі істер министрінің орынбасары Марат Қожаевтың айтуынша, 9-сынып оқушысы мектепте бетіне маска тағып, үш оқушыны қолындағы құралдармен жаралаған. Оны жоғары сыныптың оқушылары мен мұғалімдер тоқтатқан.
Похожие статьи
Оқиғадан кейін «екі немесе одан да көп адам өлтіруге оқталу» бабы бойынша қылмыстық іс қозғалды.
Informburo.kz сайтының хабарлауынша, жасөспірім Алматының психикалық саулық жөніндегі республикалық ғылыми-практикалық орталығында емдеуде болған. 2022 жылғы қарашада орталықтан шығарылған. Мамандар оны жалпы білім беретін мектепте оқытуға болатынын айтқан.
Петропавлдағы төтенше оқиғадан кейін билік мектептерде видеокамераларды көбейтуді ұсынды.
KAZAKBOL.COM
