KAZAKBOL.COM
Ресейдің ішкі істер министрлігі (ІІМ) шетел азаматтары үшін үш миграциялық режим енгізіп, оларға еліне келгенде, «Ниеттестік туралы келісімге» қол қойдырып алуды көздейді. Бұл туралы ІІМ басшысының бірінші орынбасары Александр Горовой мәлімдеді.
Оның сөзінше, қысқа мерзімді режим шетел азаматына Ресейде 90 күн жүруіне құқық береді. Егер ол өлкеде ұзақ мерзімге қалуды қаласа, арнайы рұқсат алуы керек, болмаса, мемлекеттен шығып кетуі тиіс.
Ұзақ мерзімді режим шетел азаматына Ресей аймағында алты айға дейін жүруге мүмкіндік береді. Бұл құжатты алу үшін шетел азаматы мемлекеттік ақпарат жүйесінен профиль және электронды мәліметтерді қамтыған құжат алуы керек.
Похожие статьи
Тұрақты тұру режимі елде тұруына мүмкіндік береді. Бұл құжат арқылы шетел азаматы Ресей азаматтығын алуына да болады.
Қазір Ресейден шықпастан бір режимнен екінші режимге өту мүмкіндіктері қарастырылып жатыр.
Ресей сонымен бірге шетел азаматтарына бақылау орнату үшін «Ниесттестік туралы келісім» әзірлеп жатыр. Мигранттар аталған келісімге қол қойып, өзі туралы мәлімет беруі тиіс. Келісім талаптарын бұзғанда, мигрант Ресей аймағынан шығарылады және барлық шығынды өзі көтереді.
KAZAKBOL.COM
