Ресей түрмесіндегі 70 шақты тәжік аштық жариялады

Ресейдің Мордва өңіріне қарасты Сосновка қыстағындағы колонияда жазасын өтеп жүрген 70 шақты тәжік аштық жариялады. Олар түзеу мекемесі басшыларының әрекетіне төзе алмаған деп жазды «Ахбор» порталы.

Жазасын өтеушілердің бірінің туысының айтуынша, биыл колонияға Сергей Сергушкин есімді жаңа басшы тағайындалған, тәртіп қатайған. Соңғы кездері жазасын өтеуші тәжіктерді кемсіту жиілеп кеткен.

«Колонияда жайнамаздарды жинап алып, әжетханаға тастаған. Бұның арты наразылыққа ұласты» деді ол.

Колониядағы жазасын өтеушілер биыл екінші мәрте аштық акциясын өткізіп жатыр. Наразылық шарасы маусым айында да өткен. Сол кезде оған 60-қа жуық адам қатысқан. Сол кезде де олар колония басшылығының озбырлығана арызданған.

centralasian.org