Ресей «Вагнер» бүлігі кезінде ұшқыштардың қаза болғанын мойындады

Ресей 23-24 маусымдағы «Вагнер» дүрбелеңі кезінде ұшқыштардың мерт болғанын мойындады. Қаза болғандардың нақты саны әзірге белгісіз.

«Вагнер» жеке әскери компаниясының жалдамалы жауынгерлерінің бүлігі кезінде бір ұшақты және бірнеше тікұшақты атып түсіргені туралы мәліметтер 24 маусымда пайда болған. Жергілікті БАҚ және телеграм каналдары бір ұшақ және алты тікұшақ атып түсірілгенін хабарлаған.

Ұшқыштардың қайтыс болғанын Ресей президенті Владимир Путин растады.

Сәрсенбіде Иваново облысының губернаторы Станислав Воскресенский аймағында орналасқан Ил-22 ұшағы Воронежге жақын жерде қирағанын мәлімдеді. Ол қаза болғандардың санын айтпады, бірақ марқұмдардың туыстарына көмек көрсетілетінін мәлімдеді.

Осыған дейін «ВЧК-ОГПУ» телеграм каналы қаза болған 10 ұшқыштың аты-жөнін жариялаған.

Источник