Ресейде тәжік мигранттары тұрып жатқан вагон өртенген (видео)

5 маусымда Мәскеу облысында тәжік мигранттары тұрып жатқан төрт бірдей вагон өртенген.

Оқиға орнынан видео түсіріп жіберген мигранттардың бірі адамдардың бәрі құтқарылғанын, тек олардың жеке құжаттары мен киім-кешектері түгел өртеніп кеткенін айтады.

«Біз тез арада өрт сөндіру қызметіне хабарластық. Бірақ олар сол күйі келмеді. Мигранттардың көбінің жеке құжаттары, киім-кешектері өртеніп кетті», — деді ол.

Бұл оқиға жайында ресми тараптан хабар болмады.

Былтыр Свердлов облысы Белояр ауданында өрттен бір тәжік отбасы зардап шеккен.

Источник