KAZAKBOL.COM
Қырғыз президенті Садыр Жапаровтың қырғыз-тәжік шекарасы бойынша айтқандарын бірқатар өз мүддесін ойлаған тараптар бұрмалап жатыр. Осылай деп президенттің баспасөз хатшысы Ербол Сұлтанбаев хабарлады.
«Олар екі тарапты араздастыруға әрекет етіп, әлеуметтік желіде жалған, мәтіні бұрмаланған ақпараттар жариялап жатыр. Әрине, шекара мәселесі бір елдің ғана мүддесімен шешілмейді. Сөзсіз екі тараптың да тең мүддесі болады. Қырғыз тарабы бір байламға келіп, бейбіт жолмен шешіледі деп үміттенеді», — деді Сұлтанбаев.
Президент Садыр Жапаров 23 қазанда қырғыз-тәжік шекарасына қатысты сұраққа жауап берген. Онда шекара мәселесі бойынша төрт проблема бар екенін атап, Тәжікстанның Баткен және Лейлек аудандарындағы бірқатар жерлер бойынша ұстанымын Қырғызстан ешқашан қабыл алмайтынын білдірген.
Похожие статьи
Президент сөзінде Тәжікстанның Мургаб ауданы туралы да айтқан.
Осыдан кейін Тәжікстанның демократиялық партиясы қырғыз президентінің сөзін «Тәжікстанның тұтастығына қол салу» деп бағалағанын мәлімдеген.
KAZAKBOL.COM
