Новости Казахстана, Новости России и мира,Обновляемая лента новостей

Шымкентте «нұротандық» шенеуніктің қымбат көлігі жолдың қақ ортасына тұрып алды (фото)


«Нұр Отан» қызметкеріне тиесілі көлік. Фото: zamana.kz

Шымкентте «Нұр Отан» партиясына тиесілік көлік шу шығарды. Қызметтік көлік жол қозғалысына кедергі келтіріп, полицейлер партияның көлігіне ешқандай шара қолданбаған деп хабарлайды Замана басылымы.

Бұл туралы Замана басылымы хабарлайды.

Әлеуметтік желіде Анар Сүлеева есімді қолданушы «Қыстауовқа қағида жоқ па?» деген тақырыппен сын тұрғыдағы жазбасын жариялаған. Онда «Нұр Отан» партиясы облыстық филиалы төрағасының орынбасары Болатбек Қыстауов­тың Шымкенттегі «Автонұр» базарының аялдамасында қалдырылған қызметтік көлігі жол қозғалысына кедергі келтіргені, жол полицейлерінің оны көре тұра ешқандай да шара қолданбағаны жөнінде айтылған.

Ол жазбада Қыстауовқа тиесілі қызметтік көліктің жолды жауып тұрған суреті де жарияланған болатын. «Сонда «нұротандыққа» ешкімнің де құзыры өтіп, сөзі жүрмей ме?» – деп желі қолданушысы ренішін білдіріді.

«Нұр Отан» партиясы өкілдерінің бұған айтар өз уәждері бар екен.

«Оқиғаның қалай орын алғаны жөнінде мен автордың өзіне жазба жарияланғаннан кейін хабарласып, түсіндіріп айтқанмын. Яғни ол кезде Болатбек Дүйсенбекұлы Шымкент­те  болмаған. Ол кісінің жүргізушісі бастықты ұшаққа шығарып салған соң қайтып келе жатқанда көлігінен бір ақау шығып, танысына хабарласыпты. Ол қажет бөлшектің «Автонұр» базарына кіре беріс тұстағы бір сауда орнынан табылатынын айтады. Керегін жолдан ала кетпек болған шофер көлікті сол айтылған тұсқа тоқтата салып, әлгі жерге жүгіріп барып қайтыпты. Әрине, көлік жүргізушісінің бұл әрекетін ақтай алмаймыз, оған кейін тиісінше шара көрілді. Оқиғаның қалай болғаны жөнінде түсініктеме жазды, кінәсі үшін оған сөгіс берілді. Сондықтан бұл оқиға жөнінде ушықтыра берудің қажеті жоқ деп ойлаймыз», — дейді «Нұр Отан» партиясы облыстық филиалының баспасөз хатшысы Фатима Хикметова.

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM