Десанттық-шабуылдау әскерлерінің әскери қызметшісі баланы құтқарып қалды
Ефрейтор Данияр Эшайдаров жоғалып кеткен екі жасар баланы автокөліктің дөңгелегінің астынан құтқарып қалды. Бұл туралы zakon.kz ҚР Қорғаныс Министрлігінің баспасөз қызметі таратқан ақпаратқа сілтеме жасап хабарлайды.
«Мені үрей билеп алды. Бірақ, мен өзім үшін емес, бала үшін қатты қорықтым. Сол сәтте балақай қалшиып тұрып қалмағанда, яғни, артқа немесе алға бір қадам жасаса, оны машина қағып, мен оған ешқандай көмек бере алмаушы едім», — дейді ефрейтор Эшайдаров.
Десанттық-шабуылдау әскерлерінің қолбасшысы генерал-майор Алмаз Жұмакеев Данияр Эшайдаровты грамотамен марапаттап, оның ерлігі мен табандылығын атап өтті. Сондай-ақ бүкіл жеке құрамға үлгі ретінде көрсетті.