Қырғыз президенті Сооронбай Жээнбеков мемлекет басшысы болып сайланғаннан бері бірінші рет журналистер үшін баспасөз мәслихатын өткізіп, жыл қорытындысын шығармақ. Бұл жөнінде Азаттықтың қырғыз қызметіне президент аппараты өкілдері хабарлады.
Баспасөз мәслихаты 19 желтоқсанда «Ала-Арча» мемлекеттік резиденциясында жоспарланған.
6 наурызда Жээнбеков 40-қа жуық БАҚ басшысымен кездесіп, олардың сұрақтарына жауап берген. Бұл шара шағын дөңгелек үстел ретінде өткен.
Экс-президент Алмазбек Атамбаев жыл сайын қыста және жазда екі рет баспасөз мәслихатын өткізіп тұрған.
Сооронбай Жээнбеков 2017 жылдың 24 қарашасында мемлекет басшысы ретінде қызметіне кіріскен.
KAZAKBOL.COM