Новости Казахстана, Новости России и мира,Обновляемая лента новостей

Тәжікстан президенті Ауғанстанмен шекаралас аудандарды аралады


Тәжікстан президенті Эмомали Рахмон 16 шілдеде Хатлон облысының Пяндж және Мир Саид Әли Хамадони аудандарын аралап, ондағы әскери дайындықпен танысты.

Ауғанстанның осы аудандармен шекаралас орналасқан уездері «Талибан» қозғалысының бақылауына өткен.

Тәжікстан президенті баспасөз қызметінің хабарлауынша, мемлекет басшысы облыс аумағындағы қорғаныс аймағының жеке құрамымен кездесті.

Шекарашылар алдында сөйлеген Эмомали Рахмон көрші Ауғанстанда, оның Тәжікстанмен шекаралас Балх, Құндыз, Тахар және Бадахшан провинцияларында жағдай қиын екенін мәлімдеді.

«Тәжікстанның сөз болып отырған көрші республикамен шекарасын қорғау ел үшін ғана емес, ТМД қауіпсіздігін, одан қалды Еуропа одағының қауіпсіздігін қамтамасыз ету үшін де аса маңызды екенін айтты президент», — делінген Тәжікстан басшысының баспасөз қызметі таратқан хабарламада.

5 шілдеде президент Рахмон Қауіпсіздік кеңесінің отырысын өткізіп, қорғаныс министрлігіне резервтегі 20 мың жауынгерді Тәжікстан мен Ауғанстан шекарасын нығайтуға тартуды тапсырды.

Тәжікстанның Ауғанстанмен шекарасы 910 шақырымға созылып жатыр.

«Талибан» қозғалысы бірнеше айдан бері ауған провинцияларына шабуылын үдейтіп отыр. Бұның алдында ауған үкіметінің тәліптерден қашқан 2 мыңнан астам жауынгері тәжік аумағына шегінуге мәжбүр болған. Ауғанстанның Бадахшан провинциясындағы шамамен 1500 тұрғын Тәжікстанға қашып кірді.

АҚШ, Еуропалық одақ, Ресей және халықаралық ұйымдар Тәжікстанға Ауғанстанмен шекарасын нығайтуға көмектесіп отыр.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM