Новости Казахстана, Новости России и мира,Обновляемая лента новостей

Тәжікстан президентінің қарындасы коронавирустан қайтыс болды деген ақпарат тарады


20 шілдеде кешке Тәжікстан президенті Эмомали Рахмонның қарындасы Курбонгул Рахмонова қайтыс болды. Оның нақты неден көз жұмғаны ресми түрде айтылмады, алайда Азаттықтың Тәжік қызметінің ақпарат көздері Рахмонованың коронавирустан қайтыс болғанын айтты.

Аты-жөнін атамаған дәрігерлердің бірі президенттің қарындасынан коронавирус анықталғанын, дәрігерлердің он күн бойы оның өмірі үшін күрескенін жеткізді.

64 жастағы Курбонгул Рахмонова 2012 жылы үйінің маңында атып өлтірілген «Орман шаруашылығы және аңшылық» мекемесінің директоры Холмумин Сафаровтың әйелі.

Құпия дереккөздері Рахмонованы жерлеу рәсімі 21 шілдеде өтетінін хабарлады.

Шілденің басынан бері Тәжікстан президенті Эмомали Рахмонның екі туысы қайтыс болған. Бұған дейін президенттің енесі Узбекби Асадуллоева мен оның ұлы, «Ориенбанк» төрағасы Хасан Асадуллозода көз жұмған. Кей ақпаратқа қарағанда, Узбекби Асадуллоеваның өліміне коронавирус себеп болған.

Маусым айының соңына дейін тәжік билігі елде корнавируспен ауырған жаңа науқас тіркелмеді деп мәлімдеп келген еді. Тек 21 маусымда коронавирус қайта тіркелгенін растады.

Тәжік билігінің хабарлауынша, індет басталғалы бері 20 шілдеге дейін 14 228 адамнан коронавирус анықталған. 14 мыңға жуығы (97 пайызы) жазылған. 114 адам қайтыс болған. Медицина қызметкерлері мен сарапшылар ресми дерекке күмән келтіреді.

Источник

KAZAKBOL.COM
Вам также могут понравиться

Оставьте ответ

Ваш электронный адрес не будет опубликован.

Уважаемые посетители KAZAKBOL.COM ! Оставляя комментарии, проявляйте уважение и терпимость к мнению других пользователей. Сообщений, приводящих к разжиганию конфликтов, расистских высказываний, провокаций, оскорблений и дискуссий, не относящихся к теме статьи будут удаляться. Ссылки на сторонние ресурсы в комментариях запрещены. Подобные сообщения будут удаляться, а их авторы будут забанены.Мы не несем ответственность за форму и характер выставляемых комментариев.

KAZAKBOL.COM