Түркімен мұғалімдері Сердар Бердімұхамедовтің «жетістіктері» жайында ашық сабақ өтіп жатыр (видео)

14 ақпанда Түркіменстанның Лебап облысындағы мектеп мұғалімдері оқушыларға «президент Гурбангулы Бердімұхамедовтің ұлы Сердардың өмір жолы, жетістіктері және «адамгершілігі, ақылдығы, еңбек сүйгіштігі» туралы ашық сабақ өткізуге тапсырма алған.

«Түркіменстан хроникасы» басылымының мәліметіне қарағанда, мұндай сабақтар аймақтағы барлық мектептерде өткізіліп жатыр.

Түркіменстанда мерзімінен бұрын президент сайлауы биыл 12 наурызда өтеді. Бүгінгі күнге дейін президенттікке үміткер ретінде үш адамның аты-жөні белгілі. Олар – 40 жастағы вице-премьер Сердар Бердімұхамедов, бұрынғы саяси тұтқын Гельды Кяризов және Мары облысы басшысының орынбасары, Аграрлық партия өкілі Агажан Бекмырадов.

Кяризов президенттікке Гурбангулы Бердімұхамедовтің ұлы Сердардың кандидатурасы көрсетілгеннен кейін, өзі де сайлауға түсуге шешім қабылдаған. Ол Бердімұхамедовтердің елді «фараондардың ұрпағы секілді шексіз династиялық формада» басқарғысы келетіні намысқа тиді дейді.

Источник