KAZAKBOL.COM
5-10 сәуір аралығында Тәжікстан мен Қырғызстанның тәжік-қырғыз мемлекеттік шекарасын белгілеуге арналған топографиялық жұмыс топтарының кездесуі өтті.
Жүздесу нәтижесінде хаттама қабылданды. Көрші елдердің жұмыс топтары қандай да бір орталық келісімге келген-келмегені жөнінде мәлімет жоқ.
Тәжікстан сыртқы істер министрлігі үкіметаралық жұмыс топтарының келесі кездесуі Қырғызстанда өтетінін хабарлады.
Похожие статьи
Душанбедегі кездесу қарсаңында былтыр Тәжікстан мен Қырғызстан топографтары тәжік-қырғыз шекарасының тағы 81 шақырымының сипатын дайындағаны мәлім болды. Олардың нақты қай жерлер екені хабарланбады.
2021 жылғы қазанға дейін көрші елдердің мамандары сегіз мәрте кездескен. Содан бері екі елдің топографтары жүздеспеген.
Тәжікстан мен Қырғызстан арасындағы мемлекеттік шекара 970 шақырымға созылып жатыр, соның әзірге 519 шақырымының ғана ресми мәртебесі анықталған. Екі ел арасындағы даулы жерлерде көрші тұрғындар үнемі жанжалдасып қалады. Былтыр сәуір айында болған қарулы қақтығыс кезінде екі жақтан да ондаған адам қаза тапты.
KAZAKBOL.COM
