Тәжікстандағы Вахдатта бірнеше пәтер өртеніп кетті

Душанбеден 19 шақырым жерде орналасқан Вахдат қаласында 16 сәуірге қараған түні көп қабатты тұрғын үй өртеніп, бірнеше пәтерді от шарпыды.

Әлеуметтік желі қолданушылардың хабарлауынша, үйде газ баллоны жарылған. Алайда тұрғындар өрт электр тоғының тұйықталуынан да болуы мүмкін деп топшылайды.

Вахдаттағы өрт себебі туралы ресми мәлімет әлі жарияланған жоқ. Зардап шеккендер туралы да ақпарат таралмады.

Әлеуметтік желілерде жарияланған видеоға қарағанда, өрт үйдің алтыншы қабатындағы бір пәтерден шығып, көрші пәтерлерге тараған.

Источник