KAZAKBOL.COM
Пенжикент тұрғыны Лазиз Журазода бес жылға сотталды. Ол әйелі мен үш баласының денесі табылған кезде ұсталған. Сот Журазоданы әйелі мен балаларын өз-өзіне қол жұмсауға итермеледі деп тапты.
Марқұмның отбасы сот үкіміне қатысты пікір білдірмеді. Журазоданың адвокаты Зухуриддин Шарофов сот заң аясында өтті деп есептейді. Адвокаттың айтуынша, оның қорғауындағы азаматқа қатысты рақымшылық туралы заң жартылай қолданылуы мүмкін.
Биыл 10 сәуірде Пенжкент ауданындағы Некнот ауылының тұрғындары төрт адамның Кулак көлінің маңындағы ағаштарға асылып қалғанын көрген. Тұрғындардың айтуынша, олар — 32 жастағы Шахло Шарипова мен оның үш баласы. Балалардың ең кенжесі сегіз айлық болған. Ертесіне милиция қызметкерлері Лазиз Журазоданы ұстады.
Похожие статьи
«Шахло Шарипова отбасындағы жанжалдан соң үш баласын ертіп, «Боги Ниез» мекеніне келген. Сол жерде ол үш баласын орамалмен ағашқа асып, одан соң өзі де асылып қалған», делінген Тәжікстан ІІМ таратқан мәліметте.
Некнот ауылы тұрғындарының айтуынша, Шахло Шарипова Душанбеде туған, бірнеше жыл бұрын Журазодаға тұрмысқа шыққан. Тұрғындар олардың отбасындағы өмірін жұрт қатарлы деп сипаттаған.
KAZAKBOL.COM