Тәжікстанда «дала жұмыстарына байланысты» жергілікті және өзбек өнерпаздарының концерттері өтпей қалды

Тәжікстанның Пенжикент қаласында белгілі тәжік және өзбек әншілерінің қатысуымен өтуі тиіс концерт болмайтын болды.

«Қазір біздің аймақта далада жөндеу жұмыстары жүріп жатқандықтан, ұйымдастырушыларға концертті кейінге шегеруді сұрадық. Бұдан бөлек жергілікті билік бірнеше шаралар өткізуді жоспарлап қойғандықтан, тұрғындарға концертке баруға мүмкін болмай қалады», — деді қала әкімі Санъат Тохирзода.

Ақпаратқа қарағанда, тәжік әншілері Зиёвиддин Нурзод пен Сурайё Абдуллаеваның 7-8 мамырға, Өзбекстанның халық әртісі Фируза Жуманиёзованың 9 мамырға және тәжік әншісі Нигина Амонкулованың 23 мамырға белгіленген концерттері өтпей қалған.

Соңғы жылдары Тәжікстанда коронавирус пандемиясына байланысты әншілерге кеш өткізуге рұқсат берілмей келген.

Источник