Тәжікстанда егемендіктің 30 жылдығына орай «Тәуелсіздік бағы» салынып жатыр (видео)

Тәжікстан астанасы Душанбеде егемендіктің 30 жылдығы қарсаңында «Тәуелсіздік бағы» салынып жатыр.

30 гектар алаңды алып жатқан бақта тәуелсіздіктің және еркіндіктің символы болатын «Тәуелсіздік және еркіндік» деп аталатын архитектуралық кешен орналасады. Оның биіктігі 121 метрді, төменгі жағы 85 метрді құрайды. Бұдан бөлек бақшаға сирек кездесетін талдар отырғызылады.

Соңғы жылдары Тәжікстанның бас қаласында ескі ғимараттар сүріліп, жаңа әкімшілік ғимараттар мен көпқабатты үйлер салынып жатыр. Қала тұрғындарының арасында биліктің бұл әрекеттерін қолдаушылар да, сынаушылар да бар.

Сонымен бірге заманауи жолдар салыну үшін, жол бойындағы көлік тұрақтары, дүкендер мен базарлардың сүрілуіне наразы болған жағдайлар кездесті.

Источник