KAZAKBOL.COM
17 жастағы Душанбе тұрғыны Аниса Иброхимова өзін ренжіткен адамды жәйдан жәй қалдырғысы келмеді. Ол милицияға шағымданып, жас жігітті 5 тәулікке қаматты.
Анисаның сөздерінше, оқиға 5 қыркүйекте болған. Астана көшелерінің бірінде кетіп бара жатқанда, көшеде қарбыз сатушы оған «100 доллар тұратын қыз» деп айқайлаған. Аниса сатушыға қайрылып, неге олай дейсің деген. Қарбыз сатушы болса, Анисаны итеріп, «Құры кет!» деген.
Аниса еш саспастан, сатушыны телефонына түсіріп, анасымен бірге Душанбе қалалық ішкі істер департаментіне арыз жазған. Келесі күні-ақ 25 жастағы Мұхаммаджон Курбонов сотқа шақырылған. Фирдауси аудандық соты ер азаматты Әкімшілік кодекстің майда бұзақылық бабымен айыптап, 5 тәулікке қамау алып, әрі қоғамдық жұмысқа жегу туралы шешім шығарған.
Похожие статьи
Аниса Курбонов егер сотта кешірім сұраса, абақтыға жабылмайтын еді дейді. «Сот кезінде судья айыпталушыға менен кешірім сұрауға мүмкіндік бар деді. Бірақ ол қасарысып тұрып алды», — дейді бойжеткен. Енді сот шешіміне сәйкес, айыпталушы бес тәулік бойы қоғамдық жұмысқа жегіліп, абақты ғимаратын тазалайды.
Биыл шілде айында Душанбенің бір топ тұрғыны астана әкімінен ер азаматтар тарапынан харассменттен қорғауын сұраған. Мэр жұмыс тобын құрып, астана милициясына әйелдердің шағымын бірден қарауды тапсырған.
KAZAKBOL.COM
