Ташкентте жол апатына ұшыраған «Жигули» автокөлігі қақ айрылды

Өзбекстан астанасында «ВАЗ-2106» автокөлігі қатты жылдамдықпен жол бойындағы ағашқа соққан, деп хабарлады ІІМ жол қозғалысы қауіпсіздігі жөніндегі қызметі.

Оқиға жексенбі күні таңертең сағат 7:30 шамасында Ташкенттің Сергели ауданында болған. Жол бойындаға ағашқа соққан «ВАЗ-2106» қақ айрылған.

Мәліметтерге қарағанда, автокөлік жүргізушісі түрлі жарақатпен ауруханаға түскен. Ол Янги Сергели көшесімен келе жатқан уақытта автокөлікті басқара алмай қалған. Апат жол екіге айрылар тұста болған.

Жол апатына қатысты тергеу жүріп жатыр.

Источник