Тәжік кедені жалпы салмағы 13 тонна болатын мыңдаған Құран кітабын тәркіледі

Тәжікстандағы Хатлон облысының кедені жыл басында жалпы салмағы 13 тонна болатын мыңдаған Құран кітабын тәркілеген.

Ресми мәліметке қарағанда, кітаптар Ауғанстаннан Төменгі Пяндж бақылау-өткізу бекеті арқылы өткізілген. Кеден қызметі кітаптарды «қауіпсіздік мақсатында» тәркіледі. Бұған қатысты қорытындыны Дін істері жөніндегі комитеті шығарады. Жүк Бохтарда жатыр.

Дереккөз мәліметінше, Құран кітаптар Тәжікстанға декларациямен әкелінген. Республикаға кітап тасыған кәсіпкер есімі жарияланбады.

Кеден қызметіндегілердің айтуынша, арнайы қызмет рұқсат бермесе, кәсіпкер кітаптарды Ауғанстанға қайтаруы тиіс.

Құранның әрбір кітабы 2,5 кг тартады. Құран араб тілінен әлемнің көптеген тілдеріне аударылған.

Бірнеше жыл бұрын тәжік билігі тыйым салынған әдебиетті Тәжікстанға әкелуге тыйым салды. Тәжікстанның ішкі істер министрлігі мен дін істері жөніндегі комитет тыйым салынған кітаптар тізімін дайындады.

Источник