KAZAKBOL.COM
Бірнеше әйел алу. Көрнекі фото әлеуметтік желіден алынды
«Замана» басылымының редакциясына Мақтаарал ауданына қарасты ауылдардың бірінде тұратын Арыс есімді азамат хабарласты. 35 жастағы жігіттің әйелі, екі қыз, бір ұлы бар. Қазіргі таңда бәрі бірге тұрады. Бірақ тағы бір мәрте үйленсем деген ойы бар.
Яғни екінші әйел алмақ ниетте. Оның себебін өзі былайша түсіндірді:
«Әйеліммен ата-анамыздың айтуы бойынша үйленгенмін. Яғни оны құлай сүйген жоқпын. Қазір де оны жақсы көремін деп айта алмаймын. Сол себепті үйге барғым келмейді, көбіне достарыммен бірге сауық-сайран құрып жүріп алатыным бар. Үй бетін көрмей кететінімді байқаған шешем бір күні маған: «Өзің ұнатқан бір қызға үйлен. Бірақ оны менің көзіме көрсетуші болма, бөлек кетесің. Ал мына келін менің қолымда қалады. Ара-тұра келіп, бала-шағаңа қамқор боламын деп уәде ет!» – деп бұйырды. Шынымды айтсам, өзімнің де қалағаным осы еді, қуана келістім. Жақында өзім Жетісайдан бір үй сатып алдым. Егер үйленсем, сонда тұратын ниетім бар» , — дейді азамат.
Арыстың сөзіне сенсек, табысы жаман емес екен. Өзінің жеке кәсібі бар көрінеді. «Аса сұлу болмасам да тартымды жігіттердің қатарынанмын» дейді өзі. Оған әдемі, қылықты, үй шаруасына икемді, оқыған қыз керек екен. Ол үшін, тіпті басылымда байланыс нөмірін де жария еткен.
KAZAKBOL.COM